Soňky ýyllarda Bundesligada çempionlyk ugrunda göreşýän iki komandanyň biri bolan Dortmundyň «Borussiýasy» 13-nji tapgyrda myhmançylykda «Gerta» bilen duşuşar.

18 komandanyň arasynda 15-nji orny eýeleýän «Gerta» bundesligada galmak üçin göreşýän bolsa, dortmundlylar 6-njy orny eýelemek bilen Çempionlar ligasyna gatnaşmaga hukuk berýän 4-nji orundan 2 utuklyk uzakda durýar.

2019-njy ýylyň 30-njy noýabrynda sagat 19.55-de «Türkmenistan: Sport» teleýaýlymynda göni ýaýlymda görkeziljek duşuşykda myhmanlaryň ýeňiş gazanmagyna garaşylýar. Bu oýnuň nähili hasap bilen tamamlanjakdygyna «Türkmenistan: Sport» teleýaýlymynyň tomaşaçylary ilkinjileriň hatarynda şaýat bolarlar.

Orazgeldi GELDIÝEW,

Türkmenistanyň futbol federasiýasynyň metbugat sekretary.