Türkmenistanyň Prezidentine şu gün «Hirosaki Uniwersitetiniň Hormatly doktory» diýen hormatly at dakyldy. Bu barada «www.tdh.gov.tm» habar berildi.
 Ýaponiýanyň ýokary okuw mekdebiniň alymlar geňeşi Türkmen-ýapon gatnaşyklaryny, ylmy, bilimi ösdürmäge goşan şahsy goşandy üçin bu babatda durmuşa geçirilýän işleriň oňyn netijeleri berýändiginiň aýdyň subutnamasy hökmünde Türkmen döwletiniň Liderine hormatly at bermek barada karara geldi.
Şeýle hem Türkmen döwletiniň baştutany Ýaponiýanyň ýokary okuw mekdebinde okaýan türkmen talyplary bilen duşuşdy. 
Döwlet baştutanymyz türkmen ýaşlaryna ýüzlenip, öňde duran Tomusky Olimpiýa oýunlarynda türkmen türgenleriniň oňat netijeler görkezip, üstünlikli çykyş etjekdiklerine ynam bildirdi.  
Milli Liderimiz tarapyndan kesgitlenen Garaşsyz Türkmenistan döwletiniň daşary syýasatynda Aziýa-Ýuwaş umman sebitiniň ýurtlary, şol sanda Ýaponiýa bilen dostlukly gatnaşyklary pugtalandyrmaga uly ähmiýet berilýär. 
Şunuň bilen baglylykda özara bähbitli, deň hukukly esasda iki taraplaýyn türkmen-ýapon gatnaşyklaryny ösdürmek üçin uly işler durmuşa geçirilýär. 
Mälim bolşy ýaly, şu günler Türkmenistanyň Prezidenti Ýaponiýa iş saparyny amala aşyrýar.  
 

www.msy.gov.tm