2020-nji ýylyň 24-nji fewraly ― 10-njy marty aralygynda Aşgabatda geçiriljek futzal boýunça Aziýa çempionatynyň saýlama duşuşyklary dowam edýär. 
Saýlama tapgyryň Günbatar zolagynda ýaryşýan Kuweýtiň ýygyndysy 3 duşuşykda 9 utuk toplap, Aşgabatda geçiriljek çempionata gatnaşmaga hukuk gazanan ilkinji ýygyndy boldy.
Günbatar zolagyň «A» toparçasynda ýaryşýan Kuweýtli futzalçylar Palestinany 7:1 (16.10.2019), BAE-ni 4:1 (17.10.2019), Yragy hem 4:1 (16.10.2019) hasabynda ýeňmegi başardylar.
Türkmenistanyň futzal ýygyndysynyň Kuweýt bilen geçirilen ýoldaşlyk duşuşygynda deňme-deň oýnandygyny ýatladýarys.