2019-njy ýylyň 27-nji sentýabrynda Taýlandyň iri syýahatçylyk şäheri bolan Pattaýda Agyr atletika boýunça dünýä çempionaty tamamlandy.
Meýilnamanyň ahyrky görnüşleri boýunça erkekleriň arasynda 109 kg agram derejesinde Olimpiýa oýunlarynyň ýeňijisi Laşa Talahadze ýeňiş gazandy. Gruziýaly ştangaçy Laşa Talahadze dünýä rekordlarynyň 3-sini goýmagy başardy we 4 gezek dünýäniň iň güýçli agyr atletikaçysy boldy. 3-nji altyn medalyny ol 2018-nji ýylda Aşgabatda gazanypdy.
Türkmen agyr atletikaçylaryndan 81 kg agram derejesinde çykyş eden R.Rejepow 4-nji orny eýeläp, ildeşlerimiziň arasynda iň gowy netijäni görkezdi. R.Rejepow iki görnüş boýunça jemi 363 kilogram göterdi (birbada – 164 kg, silterläp - 199 kg). Rejepbaý Rejepow 2018-nji ýylda (Aşgabatda geçirilen dünýä çemponatynda) hem baýrakly orunlara bir ädim golaýlap, 4-nji ýere düşüpdi.
Dünýä çempionatynda toparlaýyn ýaryşda Hytaýyň ýygyndysy 18 medal bilen birinji orny eýeledi. Olar 10 altyn, 5 kümüş we 3 bürünç medal gazandylar.
