Sagdyn durmuş ýörelgelerini durmuşa ornaşdyrmak we sportuň görnüşlerini köpçülikleýin ýaýratmak maksady bilen Aşgabat şäheriniň baş bilim müdirligi, Türkmenistanyň Sport we ýaşlar syýasaty ministrliginiň Sport-sagaldyş lageri we TMÝG-niň Aşgabat şäher geňeşi bilelikde Aşgabat şäheriniň etraplaryndaky orta mekdepleriň okuwçylarynyň arasynda sportuň görnüşleri boýunça ýaryş geçirýär.
Köpetdag, Bagtyýarlyk, Berkararlyk we Büzmeýin etraplarynyň mekdep okuwçylary sentýabr aýynda sportuň kiçi futbol, oktýabrda woleýbol, noýabrda ýeňil atletika, dekabrda hereketli oýunlar we stoluň üstünde oýnalýan tennis boýunça guraljak ýaryşlara gatnaşarlar.
Häzirki wagtda paýtagtymyzyň meýdançalarynda mekdep okuwçylarynyň arasyndaky kiçi futbol ýaryşy dowam edýär. Ýeňijiler sentýabr aýynyň ahyryna belli eidler.
Bäsleşikdeýeňiji bolanlara Hormat hatlary we ýadygärlik sowgatlary dabaraly ýagdaýda gowşurylar.
