2024-nji ýylyň 15 — 16-njy awgustynda Gyrgyzystanyň Çolpon-Ata şäherinde sambo boýunça Dünýä kubogy ugrunda ýaryş geçirildi. «Gazprom» sport toplumynda geçirilen şol ýaryşlara Türkmenistandan 29 türgen gatnaşdy» diýip, Türkmenistanyň Bedenterbiýe we sport baradaky döwlet komitetinde habar berilýär.

Ýaryş zenanlaryň we erkekleriň arasynda sport hem-de söweşjeň sambo görnüşleri boýunça geçirildi. Çolpan-Ata şäherinde guralan bäsleşiklerde türkmenistanly samboçylar üstünlikli çykyş etmegi başardylar. Olar öz agram derejelerinde netijeli çykyş edip, 1 altyn, 2 kümüş we 7 bürünç medal gazandylar.

Türkmen samboçylary 2024-nji ýylyň 29-30-njy iýunynda Makaoda geçirilen Aziýa we Okeaniýa ýurtlarynyň çempionatynda ussatlygyny görkezmegi başarypdylar. Şol ýaryşda olar 21 medala (2 altyn, 6 kümüş, 13 bürünç) mynasyp boldular.

www.sportcom.gov.tm