Türkmenistanyň adaty karate boýunça boýunça milli ýygyndy toparynyň agzalary Merkezi Aziýanyň çempionatynyň 4 altyn, 3 kümüş hem-de 2 bürünç medallaryna mynasyp boldular.

8 — 16-njy iýun aralygynda Gazagystanyň Almaty şäherinde geçirilen ýaryşa 5 döwletden 300-e golaý türgen gatnaşdy. Türkmenistanyň ýygyndy toparynda 12 türgen çykyş etdi.

Türkmenistanyň ýygyndysyndan altyn medallara eýe bolan türgenler:

Yhlas Annagurbanow (14-15 ýaşly türgenleriň arasynda şahsy kata boýunça).

Ibragim Şagulyýew (14-15 ýaşly türgenleriň arasynda şahsy tutluşyk boýunça).

Nurgeldi Annagurbanow (18-21 ýaşly türgenleriň arasynda şahsy kata boýunça).

Selim Myratdurdyýew (22-25 ýaşly türgenleriň arasynda şahsy tutluşyk boýunça).

Kümüş medallar:

Serdar Baýryýew (22-25 ýaşly türgenleriň arasynda şahsy tutluşyk boýunça).

Ýagmyrmyrat Sähetmyradow (18-21 ýaşly türgenleriň arasynda şahsy tutluşyk boýunça).

Gurbannazar Hümmedow (22-25 ýaşly türgenleriň arasynda şahsy tutluşyk boýunça).

Bürünç medallar:

Ýunus Muhammetgulyýew (14-15 ýaşly türgenleriň arasynda şahsy tutluşyk boýunça).

Myratbek Baltaýew (22 — 25 ýaşly türgenleriň arasynda şahsy tutluşyk boýunça).

Türkmenistanyň ýygyndy topary çempionatyň netijesi boýunça umumylykda üçünji orny eýeledi.

«Türkmen sporty» gazeti.