Türkmen pälwanlary Tähranda geçirilen Kuraş boýunça 13-nji Aziýa çempionatynda bir altyn we on bürünç medal gazandylar.

Çempionata 20 döwletden 200-e golaý türgen gatnaşdy. Biziň ýurdumyza 14 türgen wekilçilik etdi.

Zenanlaryň arasynda Lebap welaýatynyň bedenterbiýe we sport baradaky Baş müdirliginiň Çärjew etrabynyň 2–nji sport mekdebiniň tälimçisi Aýşirin Haýdarowa 48 kg agram derejesinde altyn medala mynasyp boldy.

Rozymeňli Meýmanowa (52 kg), Nurana Hezretowa (63 kg), Sabina Kadyrowa (78 kg), Nursoltan Erniýazowa (87 kg) bürünç medal gowşuryldy. Erkekleriň arasynda Serdar Babamyradow (60 kg), Döwlet Hemrakulyýew (66 kg), Mekan Pardabaýew (73 kg), Daýanç Omirow (81 kg), Ylham Kemalow (90 kg), Işanmyrat Ataýew (100 kg) hormat münberiniň üçünji basgançagyna çykdylar.

«Türk¬men spor¬ty» gazeti.