Aşgabatly türgen Alymuhammet Kakalyýew Ispaniýanyň La-Korunya şäherinde geçirilen «Ýaşlar karate ligasy 1» dünýä tapgyrynyň halkara ýaryşynda bürünç medala eýe boldy. Bu üstünligi paýtagtyň 61-nji orta mekdebiniň 8-nji synp okuwçysy 55 kilograma çenli agram derejesinde 14 ýaşa çenli oglanlaryň arasynda kumite boýunça gazandy.
Bütindünýä karate federasiýasynyň (WKF) howandarlygynda geçirilen bu ýaryşa 70 ýurtdan 3035 türgen gatnaşdy. Olar diňe bir 12 ýaşdan 20 ýaş aýratynlygy boýunça agram derejelerinde medal gazanmak üçin däl, eýsem, 2026-njy ýylda Dakarda (Senegal) geçiriljek IV Ýetginjekler Olimpiýa oýunlaryna gatnaşmaga ballaryny toplamak üçin hem bäsleşdiler.
«Türkmen sporty» gazeti
