Türkiýe Respublikasynda geçýän dzýudo boýunça «Grand Slam Antalya 2024» halkara ýaryşynda 57 kilograma çenli agram derejesinde guralan gyzlaryň ýaryşynda Maýsa Pardaýewa bürünç medal gazandy.

Maýsa Pardaýewa bürünç medal ugrundaky göreşde hytaýly Kýui Kai ýeňdi we hormat münberiniň üçünji basgançagynda ornaşdy.

Şeýlelikde, ozal hem sportuň şu görnüşinden iň abraýly ýaryşlaryň birnäçesinde netijeli çykyş eden Maýsa Pardaýewa «Grand Slam Antalya 2024» halkara ýaryşyny ajaýyp üstünligi bilen bezedi.

Türkiýe Respublikasynda geçýän ýaryşyň Pariž olimpiadasyna ýollanma gazanmak üçin zerur bolan utuklary toplamakda möhüm ähmiýete eýedigini bellemek gerek.

«Türkmen sporty».