Ildeşimiz Alp Arslan Begenjow golaýda Türkiýäniň Antalýa şäherinde tamamlanan erkin göreş boýunça «çempionlaryň» abraýly halkara ýaryşynda bürünç medala eýe çykdy. 16 ýaşly türgen bu üstünlige 74 kilogram agram derejesinde ýetdi. Antalýada geçen halkara ýaryş bütin dünýäden 350 töweregi türgeni bir ýere jemledi.  

Ýeri gelende ýatlasak, Alp Arslan Begenjow 2022-nji hem-de 2023-nji ýyllarda Rumyniýada geçen 17 ýaşly türgenleriň arasyndaky «Constantin Alexandru & Ioan W. Popovici» halkara ýaryşlarynda birinjiligi hiç kime bermändi. 2022-nji ýylda kadetleriň arasynda geçen Aziýa çempionatynda bolsa 65 kilogram agram derejesinde altyn medal gazandy. Ildeşimiz 2023-nji ýylyň Aziýa çempionatynda bürünç medala eýe çykdy. Ol nobatdaky üstünligine 71 kg çenli agramda ýetdi.

«Türkmen sporty».