Russiýanyň Iwanowo şäherinde geçirilen fudokan karate boýunça açyk Dünýä kubogyna 15 ýurtdan 1500 türgen gatnaşdy.

Ýaryşda Diýar Hojaýewiň ýolbaşçylygyndaky Türkmenistanyň ýygyndy topary medallaryň 13-sini eýelemegiň hötdesinden geldi. Şolaryň 2-si altyn, 5-si kümüş, 6-sy bolsa bürünç medallardyr:

10-11 ýaşly türgenleriň arasynda Arslan Hudaýberdiýew — sport karatesi boýunça tutluşykda kümüş medal (45 kilogram agram derejede), 12-13 ýaşly türgenleriň arasynda Meýlis Çaryýew — kihon karate boýunça kümüş medal (Gönükmeleri ýerine ýetirmegiň tehnikasy); sport karatesi boýunça tutluşykda bürünç medal (40 kilograma çenli), 14-15 ýaşly türgenleriň arasynda Ybraýym Şagulyýew — kugo karate boýunça tutluşykda bürünç medal; sport karatesi boýunça tutluşykda bürünç medal (70 kg çenli), 18 — 20 ýaşly türgenleriň arasynda Nurgeldi Annagurbanow — kata (görkezme çykyşlar) boýunça kümüş medal gazandy.

21—34 ýaşly türgenleriň arasynda Selim Myratdurdyýew — kumite (garşydaş bilen tutluşyk) boýunça altyn medal; sport karatesi boýunça tutluşykda bürünç medal (75 kg çenli agram derejede), Durdymyrat Meredow — kata (görkezme çykyşlar) boýunça kümüş medal; kumite boýunça kümüş medal, Eziz Zekerýaýew — kumite boýunça bürünç medal, 35 — 49 ýaşly türgenleriň arasynda Kemal Ataýew — kumite boýunça altyn medal, Döwlet Berdiýew — kata boýunça bürünç medal gazanmagy başardy.

«Türkmen sporty».