Aşgabatda «Türkmenistan — ruhubelentligiň we sagdynlygyň ýurdy» atly XIII Uniwersiadanyň çäginde boks ýaryşy geçirildi. Bäsleşige ýurdumyzyň ýokary okuw mekdepleriniň 17-sinde bilim alýan ýaşlar gatnaşdylar.
Paýtagtymyz Aşgabatdaky «Täze zaman» bedenterbiýe-sagaldyş toplumynda geçirilen ýaryşda türgenleriň 94-si agram derejeleriň 8-si boýunça medallar ugrunda göreşdiler.
Ýaryşlaryň jemleri boýunça Türkmen döwlet bedenterbiýe we sport institutynyň topary birinji orna mynasyp boldy. Türkmen döwlet binagärlik-gurluşyk institutynyň talyplary ikinji orny eýelediler. Türkmenistanyň Içeri işler ministrliginiň institutynyň topary üçünji orna mynasyp boldy.
«Türkmen sporty».
