2024-nji ýylyň 22-25-nji fewraly aralygynda Birleşen Arap Emirlikleriniň Fujeýra şäherinde geçirilen “Karate 1 - Ýaşlaryň ligasy” halkara ýaryşyna Türkmenistanyň ýygyndysyndan 25 türgen gatnaşdy.  

Ahal welaýatynyň Akbugdaý etrabynyň 16-njy orta mekdebiniň 9-njy synp okuwçysy Gurbannazar Amandurdyýew Kumite boýunça  52kg agramda çykyş edip, 1-nji tutluşykda Gazagystan Respublikasynyň türgenini ýeňip, 2-nji tutluşykda Amerikanyň Birleşen Ştatlarynyň türgeninden ýeňildi. 3-nji tutluşykda Hindistan Respublikasynyň türgenini, 4-nji tutluşykda  Iordaniýa döwletiniň türgenini, 5-nji tutluşykda Müsür Arap Respublikasynyň türgenini, 6-njy tutluşykda Gazagystan Respublikasynyň türgenini ýeňip bürünç medala eýe boldy.

Birleşen Arap Emirliklerinde  guralan ýaryşda 78 döwletden 2000-den gowrak türgen çykyş edýär.