2024-nji ýylyň 24-25-nji fewraly aralygynda Polşa Respublikasynyň Warşawa şäherinde geçirilen Ýewropanyň açyk çempionatyna Türkmenistanyň ýygyndysyndan 8 türgen gatnaşdy.  

Türkmen döwlet binagärlik-gurluşyk institutynyň 2-nji ýyl talyby Serdar Rahimow 66 kg agramda çykyş edip, finala çenli garşydaşlarynyň 3-sinden üstün çykdy. Final tutluşygynda ukraýinaly bäsdeşi bilen duşuşan türkmen dzýudoçysy ýaryşy kümüş medala bilen tamamlady.

Türkmen döwlet bedenterbiýe we sport institutynyň 1-nji ýyl talyby Maýsa Pardaýewa 57 kg agramda çykyş edip, has oňat netije görkezdi. Ol Ýewropanyň açyk çempionatynyň dowamynda geçiren 3 tutuluşgynda hem ýeňiş gazanyp, altyn medalyň eýesi boldy.

Warşawa şäherinde geçirilen halkara ýaryşynda 37 döwletden 450-den gowrak türgen çykyş etdi.