10-11-nji fewralda adaty karate boýunça Aşgabat şäheriniň birinjiligi geçirildi. Çekeleşikli häsiýete eýe bolan ýaryşda türgenler dürli medallaryň 56-sy ugrunda bäsleşdiler. Şeýlelikde, Aşgabat şäheriniň bedenterbiýe we sport baradaky Baş müdirliginiň 1-nji sport mekdebiniň «Döwletli» toparynyň türgenleri 27 medal (7 altyn, 4 kümüş, 16 bürünç) gazanyp, birinji orna mynasyp boldular.
Sport mekdebimiziň «Selim» toparynyň türgenleri ikinji orny eýelediler. Aşgabat şäheriniň bedenterbiýe we sport baradaky Baş müdirliginiň 4-nji sport mekdebiniň «Diýar» topary üçünji orunda ornaşdy.
Şeýle-de, 7 – 10-njy fewral aralygynda boks boýunça Türkmenistanyň Bedenterbiýe we sport baradaky döwlet komitetiniň Ýaş olimpiýaçylary taýýarlaýyş mekdebiniň hem-de Aşgabat şäheriniň bedenterbiýe we sport baradaky Baş müdirliginiň 1-nji sport mekdebiniň açyk birinjiligi geçirildi. Ýaş olimpiýaçylary taýýarlaýyş mekdebinde guralan ýaryşa 120-den gowrak türgen gatnaşdy. Bäsleşikde sport mekdebimiziň türgenleri hem şowly çykyş etdiler. 50 kg agramda Isa Azadow, 63 kg agramda Ysmaýyl Orazmyradow birinji orunlary eýelediler. 57 kg agramda Arslan Parahadow, +80 kg agramda Dawut Söýünow ikinji orna mynasyp boldular. 75 kg agramda Agageldi Selimow üçünji orny eýelemegi başardy.
Ýeňiji bolan türgenler Hormat hatlarydyr medallar bilen sylaglanyldy.
Rahym AGAÝEW,
Aşgabat şäheriniň bedenterbiýe we sport baradaky Baş müdirliginiň 1-nji sport mekdebiniň müdiri.
