Özbegistan Respublikasynyň Daşkent şäherinde agyr atletika boýunça Aziýa çempionaty dowam edýär. Bu bäsleşige Türkmenistanyň ýygyndysynyň wekilleri ynamly gadam goýdular. Türkmen döwlet bedenterbiýe we sport institutynyň 3-nji ýyl talyby Gaýgysyz Töräýew 81 kilogram agram derejesinde çykyş edip, hormat münberine çykmagy başardy.

Ol silterläp galdyrmakda 148 kilogram agramda 4-nji orna, itekläp galdyrmakda 189 kilogram agramda 3-nji orna we bürünç medala eýelik etdi. Gaýgysyz Töräýew umumylykda 337 kilogram agramyň hötdesinden gelip, 3 bürünç medala mynasyp boldy.

Pariž Olimpiadasynyň saýlama ýaryşynyň bir tapgyry bolup durýan bu Aziýa çempionatyna 34 döwletden 200 töweregi türgen gatnaşýar. Türkmenistanyň ýygyndysyna 14 türgenden wekilçilik edýär.