XIX tomusky Aziýa oýunlarynyň ýapylyş dabarasy Hytaýyň Huançžou şäherinde geçirilip, dabaranyň dowamynda Aziýanyň Olimpiýa Geňeşiniň baýdagy Ýaponiýanyň Aiçi-Nagoýa şäherine gowşuryldy. Nobatdaky Aziýa oýunlary şol şäherde geçiriler.
Ýaryşyň guramaçylary Aziýa oýunlarynda üstünlikli çykyş etdiler. Hytaý 383 medal gazanyp, (201 altyn, 111 kümüş, 71 bürünç) umumytoparlaýyn bäsleşigiň ýeňijisi boldy. Ýaponiýanyň ýygyndysy 188 medal bilen (52 altyn, 67 kümüş, 69 bürünç medal) ikinji orny eýeledi. Koreýa Respublikasynyň ýygyndysy 190 medal gazanyp, (42 altyn, 59 kümüş, 89 bürünç) umumytoparlaýyn bäsleşikde 3-nji orna düşdi.
Huançžou şäherinde geçirilen Aziýa oýunlary üstünlikli tamamlandy. Oňa 45 ýurtdan 12 müň töweregi türgen gatnaşdy. Oýunlar guramaçylykly geçirilip, türgenler ajaýyp netijeleri görkezdiler.
Huançžou şäherinde geçirilen Aziýa oýunlary Aziýa sportunyň ýokary derejededigini görkezýän şanly waka boldy.
