GDA ýurtlarynyň II oýunlarynyň dabaraly ýapylyş dabarasy «Minsk-Arenada» geçirildi.

Bäsleşigiň netijesinde Russiýanyň ýygyndysy 288 medal gazanyp, GDA ýurtlarynyň II oýunlarynyň medal sanawynda ýeňiji boldy. Russiýanyň ýygyndysy 149 altyn, 89 kümüş we 50 bürünç medal gazandy.

Medal sanawynda 2-nji orny Belarus Respublikasynyň ýygyndysy (48-78-110), 3-nji orny Özbegistanyň ýygyndysy (28-25-52) eýeledi.

Türkmenistanyň ýygyndysy GDA ýurtlarynyň II oýunlaryna sportuň 13 görnüşi boýunça gatnaşyp, olaryň ýarysyndan köpüsinde medal gazanmagy başardy.

Bäsleşikler 2023-nji ýylyň 4-13-nji awgust aralygynda Belarus Respublikasynda geçirildi.

Internet neşirleriniň maglumatlary esasynda taýýarlanyldy.