2022-nji ýylyň 17-njy awgustynda türkmenistanly kikbokçy Atajan Atamyradow Türkmenistanyň V Yslam raýdaşlygy oýunlaryndaky 5-nji kümüş medalyny gazandy.
Türkmen döwlet bedenterbiýe we sport institutynyň 4-nji ýyl talyby Atajan Atamyradow 54 kilograma çenli agram derejesinde bäsleşip, finala çenli çykyşyny dowam etdirdi. Netijede, ol Konýada geçirilýän V Yslam raýdaşlygy oýunlarynyň kümüş medalyna mynasyp boldy.
Türkmenistanly kikboksçy Azerbaýjana, Özbegistana, Marokko, Gyrgyzystana we Türkiýe Respublikasyna wekilçilik edýän türgenler bilen medallar ugrunda göreş alyp bardy.
