Balkan welaýat sport we ýaşlar syýasaty Baş müdirliginiň guramagynda Magtymguly etrabynda «Türkmenistan — parahatçylygyň we ynanyşmagyň watany» ýylyna bagyşlanyp, woleýbol boýunça 2003-nji ýylda doglan oglanlaryň klub toparlarynyň arasynda Balkan welaýatynyň çempionaty geçirildi. 
Ýaryşa Magtymguly etrabyndan iki topar, Hazar şäherinden, Türkmenbaşy etrabyndan, Esenguly etrabyndan, Etrek etrabyndan klub toparlary gatnaşdylar.Ýaryş häzirki wagtda hereket edýän Halkara woleýbol federasiýasynyň aýlaw görnüşli düzgüni boýunça geçirildi.
Bäsleşigiň jemi jemlenende 1-2-nji orunlary Magtymguly etrabynyň toparlary, 3-nji orny Türkmenbaşy etrabynyň topary eýeledi. Baýrakly orunlary eýelänler Balkan welaýat sport we ýaşlar syýasaty Baş müdirliginiň Hormat hatlary bilen sylaglandy.

Jeýhun MYRADOW, 

Magtymguly etrabynyň sport we ýaşlar syýasaty bölüminiň sport mekdebiniň usulyýetçisi.