15-nji aprelden 20-nji aprel aralygynda Türkmenistanyň Bedenterbiýe we sport baradaky döwlet komiteti tarapyndan Aşgabatda halkara hokkeý ýaryşy geçiriler. Duşuşyklar Gyşky oýunlar sport toplumynyň kiçi we uly meýdançalarynda guralar. Açylyş dabarasy 15-nji aprelde bolar.
Bäsleşige 10 döwletden hokkeý toparlary gatnaşar: Russiýa, Belarus, Eýran, Türkiýe, Özbegistan, Gazagystan, Gyrgyzystan, Oman, Bahreýn, şeýle-de Türkmenistandan bir topar.
Ýaryş iki tapgyrda geçiriler. Birinjisinde iki toparça bölünen toparlar aýlawly görnüşde özara bäsleşer. «A» we «B» toparçalaryň ýeňijileri finala çykar, ikinji orna mynasyp bolanlar 3-nji orun ugrunda bäsleşer.
