Türkmenistanly türgenler Çendu şäherinde geçirilýän XXXI Bütindünýä tomusky Uniwersiadanyň açylyş dabarasyna gatnaşdylar. Çendu şäherinde dowam edýän Uniwersiada Dunanhu sport seýilgähindäki stadionda açyldy. Oýunlar 8-nji awgusta çenli dowam edip, ýaryşlar sport meýdançalarynyň 49-synda guralar.
Uniwersiada talyplaryň arasynda guralýan Olimpiýa oýunlary bilen deňeşdirip boljak derejedäki iň uly bäsleşikleriň biridir. Uniwersiada 120 ýurtdan 5000-den gowrak talyp gatnaşyp, olar sportuň 18 görnüşinde bäsleşýärler.
Türkmenistanyň talyp türgenleri ýeňil atletika, uşu, suwda ýüzmek we dzýudo ýaryşlarynda çykyş edýärler. Türkmenistanyň 4-nji gezek Bütindünýä talyp oýunlaryna öz wekillerini iberýändigini aýtmak gerek.
Türkmenistan 2012-nji ýyldan bäri Halkara uniwersitet sport federasiýasynyň (FISU) agzasydyr.
