01.01.2020. «Associated Press» habarlar agentliginiň nukdaýnazary boýunça onýyllygyň iň gowy türgeni basketbolçy Lebron Jeýmsdir.

Bu neşir Milli basketbol assosiasiýasynyň (NBA) «Los-Anjeles Leýkers» toparynyň hüjümçisini basketbolyň şasy, çempiony diýip atlandyrýar hem-de soňky onýyllykda hiç basketbolçynyň onuňky ýaly utan oýunlarynyň, gazanan baýraklarynyň ýokdugyny belleýär. Eger-de pleý-off (utulan-çykdy) oýunlaryny hasap etmeseň, NBA-da hiç kim soňky on ýylyň dowamynda Jeýmsden köp utuk gazanyp bilmedi. 2010-njy ýylda ol iň güýçli oýunçylaryň sanawynda 124-nji orundady. Indi bu basketbolçy Kobi Braýantyň, Karl Melounyň hem-de Karim Abdul-Jabbaryň yzyndan ýetýär.

AP-niň sport žurnalistleri ikinji orna Milli futbol ligasynyň «Nýu Inglend Petriots» toparynda çykyş edýän Tom Bredini goýupdyrlar.

Sport žurnalistleriniň halkara assosiasiýasynyň (AIPS) pikiriçe, Madridiň «Real» toparynyň we Horwatiýanyň milli ýygyndysynyň hüjümçisi Luka Modriç 2019-njy ýylyň iň gowy futbolçysy boldy. Ýylyň iň gowy türgen zenany diýip, amerikaly gimnastikaçy Simon Baýlz yglan edildi.

www.lenta.ru