Soňky ýyllarda Italiýada çempionlyk ugrunda göreşýän iki komandanyň biri bolan Neapolyň «Napolisi» 14-nji tapgyrda öz meýdançasynda «Bolonýany» kabul eder.
Bilşimiz ýaly, 8 möwsümden bäri “Ýuwentusyň” tagallasy bilen Italiýada çempionyň ady üýtgemeýär. Diňe çempionlyk ugrunda göreşýän komandalaryň atlary täzelenip durýar.
Häzirki dowam edýän möwsümde bu sanawda “Napoliniň” ýokdugy nobatdaky tapgyryň duşuşygynyň täsirini peseltmez. 20 utuk bilen 7-nji orny eýeleýän neapollylara 13 utuk bilen 16-njy orunda barýan “Bolonýany” utmak gerek. Şol ýeňiş olaryň täze möwsümde Ýewropa kuboklaryna gatnaşmaga mümkinçiligini ýokarlandyrar.
“Bolonýa” hem aşaky liga düşmezlik üçin diňe ýeňiş gazanmak gerek. Iň bolmanda utulmazlyk üçin meýdança çykjak myhmanlaram aňsatlyk bilen oýnuň ygtyýaryny elden bermeseler gerek.
2019-njy ýylyň 1-njy dekabrynda sagat 21.55-de «Türkmenistan: Sport» teleýaýlymynda göni ýaýlymda görkeziljek duşuşykda komandalaryň öňde duran maksatlaryna näderejede ýetip biljekdiklerine göz ýetireris.
Merdan BAÝAT,
sport synçysy.
