Ispaniýanyň La-Ligasynda 2019-njy ýylyň 30-njy noýabrynda 15-nji tapgyryň çägindäki oýunda «Walensiýa» bilen «Willýareal» duşuşýar.

14 oýundan soňra 20 utuk toplap 10-njy orunda barýan «Walensiýa» ýeňiş gazansa, 5-nji orna geçip bilýär. 18 utukly «Willýarealyň» ýeňiş gazanan halatynda geljek ýylda Ýewropa ligasynyň ýaryşyna gtanaşmaga hukuk berýän 7-nji orna geçmäge mümkinçiligi bar.

2019-njy ýylyň 30-njy noýabrynda sagat 00.55-de «Türkmenistan: Sport» teleýaýlymynda göni ýaýlymda görkeziljek nobatdaky tapgyryň oýnunda ýaryş tablisasynyň orta gürpünde ýerleşen komandalar duşuşýanam bolsa, duşuşygyň çekeleşiginiň ýetik boljakdygyny aýdyp bileris.

Futbol muşdaklaryna «Türkmenistan: Sport» teleýaýlymynda La-Liganyň gyzykly oýny garaşýar!

Gurbangeldi MÄMMETSÄHEDOW,

sport žurnalisti.