Aşgabat şäherinde tennis boýunça Türkmenistanyň kubogy ugrunda bäsleşik geçirilýär. 2019-njy ýylyň 24-nji noýabrynda bu bäsleşigiň jemleri jemlenilip, ýeňijilere baýraklar gowşurylar.
Kubok ugrundaky tennis ýaryşyna ulular bilen birlikde höwesjeňler hem gatnaşýarlar. Munuň özi sportuň tennis görnüşiniň bütin ýurdumyzda giňden meşhurlyga eýe bolmagyna, şeýle-de başarjaň tennisçileri ýüze çykarmak babatda alnyp barylýan işleriň has netijeli bolmagyna mümkinçilik berer.
Germaniýanyň meşhur «Sinalco» kompaniýasy Türkmenistanyň kubok ýaryşynyň hemaýatkäri bolup çykyş edýär.
Tennis boýunça Türkmenistanyň kubogy ugrundaky bäsleşik Türkmenistanyň Sport we ýaşlar syýasaty ministrligi bilen Türkmenistanyň tennis federasiýasy tarapyndan bilelikde guralýar.
www.msy.gov.tm
