Türkmenistanyň Welosport federasiýasy Türkmenistanyň Sport we ýaşlar syýasaty ministrligi bilen bilelikde paýtagtymyzda welosportuň ýolda sürmek (şosse) görnüşi boýunça ýurdumyzyň welaýatlarynyň we Aşgabat şäheriniň türgenleriniň gatnaşmaklarynda ýaşlaryň arasynda Türkmenistanyň birinjiligini, ulularyň arasynda aýlaw usulyndaky toparlaýyn görnüşde Türkmenistanyň çempionatyny geçirdi. Geçirilen bäsleşiklerde Gadam Köşiliýew, Atajan Hojageldiýew, Kakabaý Ataýew, Mahmut Aşyrow, Aýnur Amangeldiýewa dagy tapawutlanmagy başardy.

Gözel paýtagtymyz Aşgabatda 2021-nji ýylda geçiriljek Welotrek boýunça dünýä çempionatyna taýýarlyk işleriniň çäklerinde ýokarda ady agzalan ýaryşy ýokary derejede guramaçylykly geçirmekde Türkmenistanyň Sport we ýaşlar syýasaty ministrliginiň, Türkmenistanyň Içeri işler ministrliginiň Aşgabat şäher Polisiýa müdirliginiň Polisiýanyň ýol gözegçiligi bölüminiň hem-de Türkmenistanyň Saglygy goraýyş we derman senagaty ministrliginiň Aşgabat şäheriniň saglygy goraýyş müdirliginiň hünärmenleriniň uly tagalla edendigini bellemek gerek.

«Türkmen sporty» gazeti (23.11.2019).