Dünýa çempionaty-2020 saýlama oýunlarynyň geçirilmegi bilen baglanyşykly gysga wagtlyk arakesmeden soňra ýokary ligada futbol boýunça Türkmenistanyň çempionaty dowam eder.

25-nji tapgyryň oýunlary «Merw» bilen «Aşgabadyň» oýnundan başlar. Toparlaryň ikisi hem ýaryş tertipnamasynyň aşaky böleginde barýarlar. «Aşgabat» 24 oýundan 23 utuk toplap, altynjy orunda, 11 utukly «Merw» bolsa ýaryş tertipnamasynyň iň soňky basgançagynda.

23-nji noýabrda tapgyryň merkezi duşuşygynda «Şagadam» «Altyn Asyry» kabul eder. Häzir «Altyn Asyr» ýary tertipnamasynda 1-nji orunda, «Şagadam» bolsa ikinji orunda barýar.

Şol gün «Energetik» Maryda «Ahal» bilen güýç synanyşar. «Ahal» häzir üçünji orunda barýar hem-de baýrakly orunlar üçin göreşýär. Energetik bolsa häzirlikçe ýaryş tertipnamasynyň 5-nji basgançagyny eýeleýär.

25-nji tapgyryň iň soňky duşuşygynda «Köpetdag» «Nebitçini» kabul eder. «Köpetdag» häzir 38 utuk bilen 4-nji orunda, «Nebitçi» bolsa 7-nji basgançakda.