22-nji noýabrda Täjigistanda 23-ýaşa çenli zenanlar olimpiýa ýygyndylarynyň arasynda Merkezi-Aziýa futbol Assosiýasiýasynyň (CAFA) çempionaty badalga alýar. Bu barada «www.turkmenportal.com» Täjigistanyň Futbol federasiýasynyň resmi saýtyna salgylanmak bilen habar berýär.

Habarda aýdylyşyna görä, ýaryşa alty ýurduň ― Täjigistanyň, Eýranyň, Gyrgyzstanyň, Türkmenistanyň we Owganystanyň toparlary gatnaşar. Oýunlar Duşenbäniň we Gissaryň Merkezi stadionlarynda geçiriler.

Zenanlaryň arasynda CAFA-2019 çempionatynda jemi 15 oýun oýnalar. Ýaryş bir aýlawdan ybarat bolar. Ýeňiji bolan topar ýygnalan utuklaryň sany boýunça kesgitlener.

Türkmenistanyň zenanlar ýygyndy topary (U-23) özüniň ilkinji oýnuny Owganystanyň toparynyň garşysyna geçirer. Duşuşyk Duşenbäniň Merkezi stadionynda geçiriler.