Türkmenistanyň milli ýygyndy toparynyň baş tälimçisi Ante Mişe Türkmenistanyň milli ýygyndy toparynyň 2020-nji ýylyň dünýä çempionatynyň saýlama oýunlarynda Şri-Lankanyň ýygyndysynyň garşysyna meýdança çykjak oýunçylaryň sanawyny äşgär etdi. Bu oýun 19-njy noýabrda sagat 16:00-da Aşgabadyň «Köpetdag» stadionynda bolar.
-Men esasy düzümde meýdança çykjak oýunçylary häzirden äşgär edip bilerin. Derwezeçi Mämmet Orazmuhammedow, goragda Serdar Annaorazow, Abdy Bäşimow, Zafar Babajanow hem-de Amir Gurbany çykyş ederler. Ýarym goragda, ortada Serdar Geldiýew bilen Wezirgeldi Ylýasow, çep ýarym goragçynyň ornunda Myrat Ýagşyýew, sagda Altymyrat Annadurdyýew oýnar. Şeýle hem toparymyzyň düzüminde hüjümçileriň ikisi Arslanmyrat Amanow bilen Didar Orazow çykyş eder – diýip, Ante Mişe oýnuň öňüsyrasyndaky metbugat konferensiýasynda aýtdy.
