Türkmenistanyň kubogyny eýelemek ugrundaky ýaryşyň finalynda «Talyp sportdan» üstün çykan «Migrasiýa» ýeňiji boldy.

«Migrasiýanyň» ýeňiş gazanmagyna mynasyp goşandyny goşan Abdylla Gurbannepesow bäsleşigiň «Iň ökde oýunçysy» diýlip yglan edildi. 6 pökgini tora salan Geldimuhammet Jalladow («Oguzhan») iň köp top geçirenleriň arasynda öňdäki orny eýeledi. «Migrasiýanyň» derwezeçisi Şageldi Abdrahmanow «Iň ökde derwezeçiniň» baýragyna mynasyp boldy.

Ýeňijilere baýraklary Türkmenistanyň Futbol federasiýasynyň başlygynyň birinji orunbasary Serdar Diwanow bilen TFF-niň Baş sekretary Arslan Aýnazarow gowşurdylar.

Final: Talyp sport» – «Migrasiýa»-1:1 (jerime urgusyndan 3:2)