Türkmenistanda karateniň döredilmeginiň 40 ýyllygy mynasybetli Olimpiýa şäherçesindäki döwrebap sport desgasynda karate-do boýunça Türkmenistanyň kubogy ugrunda ýaryş geçirildi.
2019-njy ýylyň jemi boýunça Türkmenistanyň kubogy ugrundaky ýaryşa dürli ýaşdaky karateçiler gatnaşdylar. Türkmenistanyň ähli welaýatlaryna we Aşgabat şäherjigine wekilçilik edýän karateçileriň ýaryşynda çagalar, ýetginjekler, ýaşlar, uly ýaşlylar we weteranlar öz başarnyklaryny görkezdiler.
Bäsleşikleriň dowamynda oglanlaram, gyzlaram ýaryş meýdançasynda kubok ugrundaky duşuşyklara gatnaşdylar, toparlaýyn bäsleşiklere hem tomaşa edildi. Şeýle-de, Türkmenistanyň kubogynyň dowamynda görkezme çykyşlary synlamak bilen sportuň bu görnüşiniň biziň ýurdumyzda giňden ýaýrandygyna we onuň muşdaklarynyň kändigine göz ýetiridik.
Karate-do boýunça Türkmenistanyň kubogy ugrundaky ýaryş Türkmenistanyň Sport we ýaşlar syýasaty ministrligi bilen Türkmenitanyň karate-do federasiýasy tarapyndan bilelikde guraldy.
Bäsleşigiň ahyrynda baýrakly orunlary eýelänler guramaçylar tarapyndan Hormat hatlar we ýadygärlik sowgatlar bilen sylaglanyldy.
www.msy.gov.tm
