«Türkmenistan – ruhubelentligiň we sagdynlygyň ýurdy» atly XI Uniwersiadanyň maksatnamasyna girýän ýaryşlar dowam edýär.

Ýurdumyzyň ýokary okuw mekdepleriniň talyplarynyň guralan basketbol 3x3 (oglanlar) boýunça ýaryş Türkmen döwlet binagärlik we gurluşyk institutynda geçirildi.

Bu bäsleşikde Türkmen döwlet bedenterbiýe we sport institutynyň topary ýeňiji boldy. 2-nji orny Türkmen döwlet binagärlik we gurluşyk institutynyň topary eýeledi. 3-nji orna Magtymguly adyndaky Türkmen döwlet uniwersitetiniň topary düşdi.

Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasy bu bäsleşigiň guramaçysy bolup çykyş edýär.

www.msy.gov.tm