«Türkmenistan – ruhubelentligiň we sagdynlygyň ýurdy» atly XI Spartakiadanyň maksatnamasyna girýän ýaryşlar dowam edýär.
Ýurdumyzyň orta hünär we başlangyç hünär okuw mekdepleriniň talyplarynyň arasynda guralan basketbol (oglanlar) boýunça ýaryşyň ýarym final we final oýunlary Aşgabat gurluşyk orta hünär okuw mekdebinde geçirildi.
Türkmenistanyň Gurluşyk we binagärlik ministrliginiň Aşgabat gurluşyk orta hünär okuw mekdebi ýeňiji boldy. 2-nji orny Aşgabat şäherindäki syýahatçylyk orta hünär okuw mekdebiniň topary eýeledi. 3-nji orna Türkmenistanyň Dokma senagaty ministrliginiň Aşgabat şäherindäki mehanika-tehnologiki orta hünär okuw mekdebiniň topary düşdi.
Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasy bu bäsleşigiň guramaçysy bolup çykyş edýär.
