Türkmenistanda sportuň Olimpiýa görnüşlerini ösdürmek boýunça durmuşa geçirilýän işleriň netijesinde köp sanly ýaryşlar guralýar. Şeýle ýaryşlaryň biri Aşgabat şäherindäki Olimpiýa şäherçesiniň döwrebap sport desgalarynda dowam edýär. Has dogrusy şu günler ol ýerde karate-do boýunça Türkmenistanyň kubogy ugrundaky ýaryş geçirilýär.

Türkmenistanyň kubogy ugrundaky karate-do ýaryşyna çagalar we ýetginjekler gatnaşýarlar. Olaryň arasyndaky göreş 2019-njy ýylyň 15-nji noýabrynda başlanyp, şol gün bäsleşigiň açylyş dabarasy boldy.

Iki günläp dowam eden çekeleşikli ýaryşlardan soňra kimleriň baýrakly orunlar ugrunda göreşmäge mynasypdygy belli edildi. Şeýlelikde, ertir, ýagny 2019-njy ýylyň 17-nji noýabrynda karate-do boýunça Türkmenistanyň kubogy ugrundaky ýaryşyň ýeňijileri belli ediler.

www.msy.gov.tm