Eýranyň ýygyndy toparynyň hüjümçisi Serdar Azmun yklymyň daşynda çykyş edýän futbolçylaryň arasynda Aziýanyň iň gowy futbolçysy diýen ada dalaşgärlige hödürlendi. Bu barada «www.sports. ru» habar berýär.
«Tottenhemiň» ýarym goragçysy Son Hyn Min bilen «Aýntrahtyň» düzüminde çykyş edýän ýene bir ýarym goragçy Makoto Hasebe 24-ýaşly eýranly futbolçynyň bäsdeşi bolarlar. Bäsleşigiň netijesi 2-nji dekabrda Gonkongda yglan ediler.
2019-njy ýylda Azmun Zenitde çykyş etdi hem-de 37 duşuşykda 21 pökgini derwezä geçirip, 11-gezek ýoldaşlaryna netijeli pas etdi. Şeýle hem ol Eýranyň milli ýygyndysynyň düzüminde Aziýanyň kubogy ugrundaky ýaryşda ýarym finala bardy.
27-ýaşly günorta koreýaly futbolçy «Tottenhemiň» düzüminde Çempionlar ligasynyň finalyna çykdy, 35-ýaşly ýapon futbolçysy bolsa «Aýntraht» bilen Ýewropa ligasynyň ½ finalyna barmagy başardy.
