Aşgabat şäherinde ýerleşýän Olimpiýa şäherçesinde boks boýunça ulularyň arasynda Türkmenistanyň kubogy ugrundaky ýaryş dowam edýär.
Sportuň Olimpiýa görnüşleri boýunça geçirilýän bäsleşiklere uly üns berilýändigini aýtmak gerek.
Häzirki wagtda türkmen boksçylarynyň Tokio olimpiadasyna taýýarlanýan döwründe guralan kubok ýaryşynda erkekler 8 agramda özara güýç synanyşýarlar.
Türkmenistanyň kubogy ugrundaky ýaryşa halkara derejeli emin Baýram Ýegenow we milli derejeli eminleriň topary eminlik edýärler.
Öz agramynda Türkmenistanyň kubogynyň eýesi boljak boksçularyň atlary ertir – 17-nji noýabrda kesgitleniler.
