2022-nji ýyldaky dünýä çempionatynyň saýlama tapgyrynyň çäginde 2019-njy ýylyň 14-nji noýabrynda Aşgabat şäherinde Türkmenistan bilen KHDR-iň ýygyndylary duşuşarlar. Şol oýna tailandly eminler topary eminlik eder.
Aziýanyň futbol konfederasiýasynyň Kuala-Lumpurda ýerleşýän baş edarasyndan habar berişleri ýaly, baş eminmek bolmak 31 ýaşly referi Siwakorn Pu-Udoma ynanylypdyr.
Oňa watandaşlary Rawut Nakrit bilen Tanet Çuçuýen kömekleşer. Ätiýäçdaky emin: Mongkolçaý Peçri. Eýranly hünärmen Hedaýat Mombeni gözegçi emin bolar. Oýnuň komissary Şri-Lanka wekilçilik edýän Dilan Rukantha De Silwadyr.
Türkmenistan bilen KHDR-iň ýygyndylarynyň arasyndaky oýnuň Aşgabat şäherindäki «Köpetdag» stadionynda sagat 16.00-da başlanýandygyny ýatladýarys.
