Futzal boýunça zenanlaryň arasynda geçirilen Türkmenistanyň çempionaty «Talyp sport» toparynyň ýeňşi bilen tamamlandy.

Soňky tapgyrda «Aşgabat» bilen duşuşan «Talyp sport» 3:2 hasabynda ýeňiş gazandy.

Ikinji we üçünji orunlary degişlilikde «Aşgabat» we «Lebap» toparlary eýelediler.

Çempionatyň jemi boýunça 22 gezek tapawutlanan Mariýa Çaryýewa («Aşgabat») iň köp top geçiren oýunçylaryň arasynda öňdäki orny eýeledi.

«Talyp sport» toparynyň derwezeçisi Malika Eminowa («Talyp sport») çempionatyň «Iň ökde derwezeçisi» diýlip yglan edildi.

Çempionata futzal toparlarynyň 5-si gatnaşyp, ýeňiji aýlawly ýaryşda belli edildi.

Çempionat Türkmenistanyň Sport we ýaşlar syýasaty ministrligi bilen Türkmenistanyň futbol federasiýasynyň bilelikde guramagynda geçirildi.