Ýurdumyzyň futbol çempionatynyň 24-nji tapgyrynda öňdebaryjylar nobatdaky ýeňişlerini gazandylar.
Paýtagtymyzda «Energetik» toparyny kabul eden «Altyn asyr» 3:0 hasabynda ýeňiş gazanyp, toplan 54 utugy birinji orny eýelemegini dowam etdirýär.
«Köpetdag» topary bu tapgyrda toplan utugynyň möçberini 38-e ýetirdi. Häzirki wagtda 4-nji orunda barýan paýtagtymyzyň topary öz meýdançasynda Marynyň «Merwinden» 2:0 hasabynda üstün çykdy.
Ahal welaýatynyň adybir topary Balkanabatda ýerli «Nebitçini» 2:0 hasabynda ýeňlişe sezewar edip, toplan 41 utugy bilen 3-nji orny eýeleýär.
Futbol çempionatymyzyň 24-nji tapgyrynyň jemleýji duşuşygy 6-njy noýabrda geçirilip, onda «Aşgabat» topary Türkmenbaşy şäheriniň «Şagadamyny» kabul eder.
