2004-2005-nji ýyllarda doglan türgenleriň arasynda grek-rim göreşi boýunça Aşgabat şäheriniň açyk birinjiligi geçirildi. Gökje sport desgasynda geçirilen bäsleşigiň ýeňijileri oktýabr aýynyň ahyrky günleri belli edildi.  

Ýaryşa Aşgabat şäheriniň sport we ýaşlar syýasaty Baş müdirliginiň 6-njy sport mekdebiniň  türgenleri hem gatnaşyp, baýrakly orunlary eýelemegi başardylar. Bu mekdebiň ussat tälimçisi Rozy Rejepowyň türgenleri dürli agram derejesinde hormat münberine çykdylar.

Olardan Döwletmyrat Gurbangeldiýew (44 kg.), Baýrammyrat Annamyradow (52 kg), Ýusup Belliýew (85 kg) 1-nji orna, Allanur Akamow (52 kg), Meýlisow Serdar (68 kg) 2-nji orna, Ýusup Guwanjow (41kg) we Wepaly Kakabaýew (48 kg) 3-nji orna mynasyp boldular.

www.msy.gov.tm