Türkmenistanyň Sport we ýaşlar syýasaty ministrliginiň Geljekki olimpiýaçylaryň ýöriteleşdirilen çagalar-ýetginjekler sport mekdebi tarapyndan futbol boýunça çagalar we ýetginjekler tälimçileriniň ukyplaryny ýokarlandyrmak hem-de FIFA tarapyndan girizilen täze üýtgeşmeleri maslahatlaşmak maksady bilen okuw maslahaty geçirildi.
Aşgabat şäherindäki Ýaş olimpiýaçylary taýýarlaýyş mekdebinde geçirilen okuw maslahatyna tälimçiler bilen bilelike ýurdumzydagiňden tanalýan futbol bilermenleri-de gatnaşdylar. Okuw maslahatyny Geljekki olimpiýaçylaryň ýöriteleşdirilen çagalar-ýetginjekler sport mekdebiniň direktory Azat Muhadow açdy.
Soňra çykyş etjek myhmanlara söz berildi. Türkmenistanyň Sport we ýaşlar syýasaty ministrliginiň jogapkär işgärler, şeýle-de AFK-nyň we Türkmenistanyň futbol federasiýasynyň instruktory Röwşen Muhadow, Geljekki olimpiýaçylaryň ýöriteleşdirilen çagalar-ýetginjekler sport mekdebiniň lukmany Çary Ataýew, Türkmenistanyň dopinge garşy göreşmek boýunca Milli agentliginiň wekili Leýla Artykowa, Türkmenistanyň futbol federasiýasynyň wekili Wadim Baratow çykyş edip, işleri döwrebap guramakda durmuşa geçirilýän mevilnamalar barada gürrüň berdiler.
Maslahatyň dowamynda ýurdumyzda sporty, şol sanda futboly ösdürmek babatda edilýän işleriň kändigi nygtalyp, munuň hünärmenleriň jogapkärçiligini ýokarlandyrýandygy aýratyn bellenilip geçildi.
