Türkmenistanly eminler Çarymyrat Gurbanow (Aşgabat) bilen daşoguzly Pälwan Pälwanow Aziýanyň Futbol Konfederasiýasy tarapyndan ýaşlaryň (U19) arasynda geçiriljek Aziýa çempionatynyň saýlama tapgyrynyň «G» toparçasynyň duşuşyklarynda eminlik etmäge çakylyk aldylar.
Kambojanyň Pnompen şäherinde geçiriljek saýlama tapgyrynda Tailandyň, Malaýziýanyň, Kambojanyň, Bruneýiň hem-de Demirgazyk Marian adalarynyň ýygyndylary bäsleşerler.
Çarymyrat Gurbanow baş eminiň, Pälwan Pälwanow bolsa kömekçi eminiň wezipelerini ýerine ýetirerler.
