Türkmen paýtagtynda ýerleşýän Döwletliler köşgünde ýurdumyzyň sport guramalarynyň, şol sanda Türkmenistanyň sport we ýaşlar syýasaty ministrliginiň ýolbaşçylarynyň gatnaşmagynda dabara geçirildi.
Sport dabarasynyň başynda ol ýerde bilim alýan we terbiýelenýän sagdyn durmuş ýörelgesiniň wagyzçysy bolan hormatly Prezidentimiziň dürli ýyllarda erk eden welosipedleri Döwletliler köşgünde bilim alýan çagalara gowşuryldy.
Çagalar Türkmenistanyň Prezidentiniň adyndan sowgat berlen welosipedlerde gezelenç etdiler. Döwletliler köşgüniň okuwçylary şondan soňra guramaçylykly geçirilen köpçülikleýin welosipedli ýörişe goşulyp, sagdyn durmuş ýörelgesini wagyz etmäge öz goşantlaryny goşdular.
Aşgabat şäherinde guralan welosipedli ýöriş mynasybetli paýtagtymyzda aýdym-sazly çykyşlar geçirildi. Şeýle-de, Döwletliler köşgüniň çäginde sportuň dürli görnüşleri boýunça ýaryşlar we görkezme çykyşlary ýaýbaňlandyryldy.
