2020-nji ýylyň 24-nji fewralyndan 10-njy martyna çenli Aşgabatda geçjek Futzal boýunça Aziýa çempionatynyň saýlama tapgyrynyň netijeleri boýunça ýaryşyň final bölegine gatnaşmaly 16 toparyň hemmesi kesgitlendi. Bu barada «www.sport.kg» habar berýär.

Bije atylmazyndan öň Türkmenistan ýaryşyň guramaçysy hökmünde Eýranyň, Ýaponiýanyň hem-de Özbegistanyň toparlary bilen birlikde birinji sebede goýuldy. Bu bolsa toparlaýyn tapgyrda bu ýygyndylaryň öz aralarynda duşuşmajakdygyny alamatlandyrýar.

Birinji sebet: Türkmenistan (guramaçy), Eýran, Ýaponiýa, Özbegistan.

Ikinji sebet: Liwan, Wýetnam, Bahreýn, Taýland.

Üçünji sebet: Gyrgyzystan, Täjigistan, Hytaý, Koreýa Respublikasy.

Dördünji sebet: Saud Arabystany, Indoneziýa, Kuweýt, Oman.