2019-njy ýylyň 25-nji oktýabrynda Türkmenistanyň Sport we ýaşlar syýasaty ministrliginiň garamagyndaky etrap, şäher sport we ýaşlar syýasaty bölümleri, şeýle hem, «Türkmenistan» Ýaşlar bedenterbiýe-sport guramasynyň ýerlerdäki bölümleriniň işgärleri bilen seminar-maslahat geçirildi.
Aşgabat şäheriniň sport we ýaşlar syýasaty Baş müdirliginiň Ýöriteleşdirilen küşt we şaşka mekdebiniň mejlisler zalynda ýaýbaňlandyrylan okuw-maslahatynda ilki bilen Türkmenistanyň Sport we ýaşlar syýasaty ministriniň orunbasary G.Agamyradow çykyş etdi.
Etrap, şäher sport we ýaşlar syýasaty bölümlerinde ýöredilmeli iş dolandyryş resminamalary we bölüm ýolbaşçylarynyň alyp barmaly işleri barada Lebap welaýatynyň Türkmenabat şäheriniň 7-nji sport mekdebiniň instruktor-usulyýetçisi S.Rejepow gürrüň berdi.
«Türkmenistan» Ýaşlar bedenterbiýe-sport guramasynyň we onuň ýerlerdäki bölümleriniň iş dolandyryş resminamalary hem-de olaryň alyp barmaly işleri hakynda «Türkmenistan» Ýaşlar bedenterbiýe-sport guramasynyň bölüm başlygy M.Durdymyradow, Döwlet gullukçysynyň etikasy we gulluk özüni alyp barşy hakynda ministrligiň Baş ýuristi H.Reimowa giňişleýin gürrüň berdi.
Soňra ministrligiň ýaşlar syýasaty we köpçülikleýin sport çäreleri guramak bölüminiň başlygy G.Garýagdyýew sportuň görnüşleri boýunça köpçülikleýin sport çärelerini geçirmegiň tertibi hem-de bedenterbiýe we sport çäreleri geçirilende berjaý edilmeli howpsuzlyk kadalary barada aýtdy. Usulyýet otaglaryny döretmek hem-de onuň işini gurnamak boýunça edilmeli işler hakynda ministrligiň ýanyndaky Usulyýet kabinetiniň müdiri K.Işanow çykyş etdi.
Okuw-maslahatynyň ahyrynda ministrligiň Sport mekdepleriniň işini we sport çärelerini guramak bölüminiň başlygy E.Garaýew we şol bölümiň başlygynyň orunbasary T.Mazakow dürli meseleler boýunça berilen sowallara jogap berdiler.
«Türkmen sporty» (26.10.2019).
