2019-njy ýylyň 15-nji oktýabrynda Aşgabat şäheriniň ýetginjekleriň arasyndaky boks boýunça açyk çempionatyna badalga berildi. Açyk çempionat Ýaş olimpiýaçylary taýýarlaýyş sport mekdebinde guralyp, 2003-2004-nji ýyllarda doglan ýetginjekler özara bäsleşerler.
Ýaşlaryň arasynda geçirilýän bu ýaryşyň esasy maksady ýaş nesliň bedenterbiýe we sport bilen meşgullanmagyny gazanmakdan, sportuň olimpiýa görnüşlerini wagyz etmekden we ukyply ýaşlary ýüze çykarmakdan ybaratdyr.
Aşgabat şäheriniň ýetginjekleriň arasyndaky boks boýunça açyk çempionaty Aşgabat şäheriniň Sport we ýaşlar syýasaty Baş müdirligi tarapyndan guralýar.
Açyk çempionat 18-nji oktýabrda tamamlanar.
