Türkmenistanda sportuň Olimpiýa görnüşlerini ösdürmek babatda alnyp barylýan işleriň hatarynda gandbol boýunça bäsleşikler yzygiderli guralyp durulýar.
Ýurdumyzda ukyply gandbolçylaryň ýüze çykmagy, olaryň başarnygynyň artmagy, tejribe toplamagy babatda edilýän işleriň hatarynda daşary ýurtlara guralýan okuw-türgenleşik işlerini agzap bileris. Şeýle okuw-türgenleşik ýaryşlarynyň biri şu günler Russiýa Federasiýasynyň Sankt-Peterburg şäherinde dowam edýär.
Türkmenistanyň gandbol boýunça ýygyndysynyň agzalary 28-nji sentýabrdan bäri öňdäki jogapkärli ýaryşlara ykjam taýýarlyk görýärler.
14 türgenden we 2 eminden ybarat bolan türkmen wekiliýetiniň okuw-türgenleşik ýaryşlary 16-njy oktýabrda tamamlanar.
Türkmenistanyň gandbol federasiýasynyň ýolbaşçylary Sankt-Peterburg şäherindäki okuw-türgenleşikleriň türgenlerimiziň taýýarlyk derejesiniň ýokarlanmagyna täsir etjekdigini gürrüň berdiler.
