Kataryň paýtagtynda ýeňil atletika boýunça dünýä çempionaty tamam boldy. Bu barada Ýeňil atletika federasiýalarynyň halkara assosiasiýasynyň resmi saýtynda habar berilýär.
ABŞ-nyň ýygyndysy 29 gezek baýrakly orunlara mynasyp bolup (14 altyn, 11 kümüş we 4 bürünç), gazanylan medallaryň hasaby boýunça abraýly ýaryşyň ýeňijisi boldy. Keniýanyň ýygyndysy ikinji (5 altyn, 2 kümüş, 4 bürünç), Ýamaýkanyň ýygyndy topary üçünji (3 altyn, 5 kümüş we 4 bürünç) orny eýelediler.
Dohada geçen dünýä çempionatynda 209 döwletden iki müň töweregi türgen çykyş etdi. Katarda jemi 43 toparyň wekilleri hormat münberine çykdy. 2018-nji ýylda geçen Ýapyk binalarda Aziýa çempionatynda iki bürünç medaly eýelemegi başaran (häzirkizaman bäş görnüşi hem-de 4X400 metre estafeta ylgawy boýunça) Irina Welihanowa (Türkmenistan) 5-nji oktýabrda barýerli 100 metre ylgamak boýunça ýaryşda çykyş etdi.
www.msy.gov.tm
